Ако не е Safe2Eat (БезбедноЗаЈадење), не е храна од ЕУ!
Safe2Eat е кампања ширум ЕУ за да им помогне на луѓето да дознаат како европските стандарди за безбедност на храна ни даваат слобода да избереме каква храна да купуваме, јадеме и да уживаме безбедно и здраво секој ден.
Низ Европа, нашите најдобри научници им помагаат на властите да ги постават и одржуваат овие стандарди, така што секој избор што го правиме за храната е поддржан од најдобрата достапна наука.
Што и да влијае на вашиот избор на храна - вкус, здравје, цена или животна средина - нема да се грижите дали вашата храна е само соодветна на вашиот вкус, туку е и безбедна за вашето здравје.
Safe2Eat може да ви помогне:
- да научите за безбедноста на храната и практики за хигиена на храната;
- да најдете индиции за хранлива и здрава храна;
- да дознаете како гарантираме дека сè во вашата храна, од адитиви до нови состојки, е безбедно за јадење;
- да ги читате етикетите на храната за да најдете клучни информации, како на пример алергени; и
- да ги запознаете луѓето кои стојат зад европскиот систем за безбедност на храна.
Тимот на Safe@Eat
Safe2Eat е паневропска кампања во која се вклучени неколку национални власти за безбедност на храната (видете подолу), Европската агенција за безбедност на храна (ЕФСА) и Европската комисија.
ЕФСА собира научници од цела Европа за да ја проценат науката зад безбедност на храната, политиките за исхрана и индивидуалните избори во ЕУ.
Работиме заедно за да го промовираме системот за безбедност на храна кој гарантира дека вие, европските граѓани, можете да бидете сигурни во безбедноста на храната што ја јадете.
Дознајте што се случува во вашата земја: